راولپنڈی :قتل کی لرزہ خیز واردات، ایک ہی گھر کے 10افراد قتل

راولپنڈی(ورلڈ ویوز اردو) تھانہ چونترہ کی حدود میال گاؤں میں 10 افراد قتل، 4 خواتین 3 مرد اور 3 بچے شامل. تفصیلات کے مطابق تھانہ چونترہ کے علاقہ میں فائرنگ کا معاملہ سی پی او راولپنڈی موقعہ کے لئے روانہ ہو گئے.ایس ایس پی آپریشنز اور ایس پی صدر پولیس کی بھاری نفری کے ساتھ موقعہ پر موجود ہیں.ابتدائی تحقیقات کے مطابق فائرنگ کا واقعہ اظہر، نذر, امتیاز گروپ اور رب نواز گروپ کے مابین پیش آیا. ابتدائی تحقیقات کے مطابق وجہ تنازعہ چند روز قبل میال گاؤں میں خاتون کا قتل اور دیرینہ دشمنی کا ہے.فائرنگ کے نتیجہ میں 05 خواتین اور 04 بچے جانبحق ہوۓ ہیں جبکہ تین بچے بھی زخمی ہوۓ ہیں.
قتل ہونے والی خواتین میں سلیم اختر، نثار بی بی،سدرہ بی بی، ازرام بی بی، عابدہ شاہین شامل ہیں۔
قتل ہونے والی بچیوں میں ایمان فاطمہ، صبیحہ، فرحان شامل ہیں۔
زخمیوں میں نورفاطمہ، عثمان اور ابراہیم شامل ہیں۔
زخمیوں کو ہسپتال منتقل کیا گیا ہے جبکہ مقتولین کی نعشوں کو پوسٹ مارٹم کے لئے ہسپتال منتقل کیا جا رہا ہے۔ پولیس کے مطابق فرانزک ٹیم شواہد اکٹھے کرنے کے لئے موقعہ پر موجود ہے.واقعہ میں ملوث افراد کو گرفتار کر کے قرار واقعی سزا دلوائی جاۓ گی.آخری اطلاعات تک سی پی او ڈی آئی جی احسن یونس مزید نفری لے کر موقع پر پہنچے، پولیس نے علاقہ کا محاصرہ کیا اور ملزمان کی گرفتاری کے لئے سرچ آپریشن جاری ہے۔

اپنا تبصرہ بھیجیں