حویلی آزاد کشمیر :فوڈ سیفٹی آفیسرز کی کاروائیاں ‘تحصیل ممتاز آباد کے بازاروں سے مضر صحت اشیاءخوردونوش ضبط۔

حویلی (ورلڈ ویوز اردو) فوڈ اتھارٹی حویلی کی کاروائیاں،مضر صحت اور زائد المیعاد اشیاء خوردونوش ضبط، دوکانداروں کو آخری وارننگ، تفصیلات کے مطابق ضلع حویلی تحصیل ممتاز آباد کے بازاروں میں فوڈ سیفٹی آفیسر بلال مقصود کے احکامات کی روشنی میں اسسٹنٹ فوڈ سیفٹی آفیسر راجہ سر انداز راٹھور اور انکی ٹیم نے گگڈار بازار اور پلنگی بازار میں کاروائی کے دوران مضر صحت، ناقص اور زائد المیعاد اشیاء خورد و نوش کو ضبط کر لیا.
راجہ سرانداز جاوید راٹھور نے دکانداروں کو وارننگ خبردار کرتے ہوئے کہا کہ آئندہ اگر کسی دکاندار سے مضر صحت یا زائد المیعاد سامان ملا تو سامان ضبط کرنے کے ساتھ بھاری جرمانے بھی ادا کرنے پڑینگے.
عوام علاقہ نے فوڈ اتھارٹی کی حالیہ کارروائیوں پر اطمینان کا اظہار کرتے ہوئے کہا ہے کہ یہ ایک اچھا قدم ہے کیونکہ سب سے تھرڈ کلاس اشیاء حویلی میں فروخت کے لیے بھیجی جاتی ہیں. اگر اسی طرح چھاپے مارے جاتے رہے تو غیر معیاری اور مضر صحت اشیاء حویلی سے ختم ہو جائیں گی. نوجوان افسران اچھا کام کررہے ہیں. اگر انکو کرنے دیا جائے. سول سوسائٹی کو نوجوان آفیسرز کے ہاتھ مضبوط کرنے چاہیے ۔

اپنا تبصرہ بھیجیں