کورونا وائرس، پاکستان فیشن ویک 2020 ملتوی

بیجنگ (شوبز ڈیسک) چین سے دنیا بھر میں پھیلنے والے خطرناک کورونا وائرس کے پھیلاؤ کے پیش نظر پاکستان فیشن ویک 2020 ملتوی کردیا گیا۔فیشن پاکستان کونسل (ایف پی سی) کی جانب سے جاری اعلامئے کے مطابق پاکستان فیشن ویک 2020 ملتوی کرنے کا فیصلہ ملک میں کورونا وائرس پھیلنے کی وجہ سے کیا گیا ہے۔تین روزہ فیشن ایونٹ کا انعقاد 9 سے 11 اپریل کو کراچی میں کیا جانا تھا۔فیشن پاکستان کونسل (ایف پی سی) کی چیئر پرسن ماہین خان نے کہا کہ’عالمی وبائی صورتحال کے باعث پاکستان فیشن ویک 2020 کا دوباہ انعقاد کرنے کیلئے سال کے آخر تک صورتحال کا جائزہ لینے کے بعد فیصلہ کریں گے’۔انہوں نے کہا کہ ‘ہم نے اپنے ڈیزائنرز اور اسپانسرز کو اس فیصلے سے آگاہ کردیا ہے اور وہ ہمارے اس فیصلے پر متفق ہیں جب کہ ہم سال کے آخر میں صورتحال کا جائزہ لینے کے بعد نئی تاریخ کا اعلان کریں گے۔

اپنا تبصرہ بھیجیں